Yenə tətil, yenə eyni tələb
Oktyabrın 24-də Yunanıstan mediası həmkarlar təşkilatlarının qərarı ilə iki günlük tətilə çıxıb. Novator.az-ın məlumatına görə, oktyabrın 26-sı səhərə qədər davam edəcək tətil əlavə sosial sığorta sisteminin saxlanması, KİV əməkdaşlarının əmək və sosial hüquqlarını qorumaq tələbi ilə keçirilir.
Tətil günləri radio və televiziyada xəbərlər efirə çıxmayacaq, saytların çoxu yenilənməyəcək.
Bu, KİV-in son bir ayda keçirdiyi üçüncü tətildir. Sentyabrın 26-da və oktyabrın 3-də 24 saatlıq tətillər keçirilib.
Həmkarlar qurumları Əlavə Sığorta üzrə Vahid Jurnalist Təşkilatı adlı xüsusi fondun saxlanmasını tələb edirlər. Fondun köməyi ilə ehtiyacı olan jurnalistlər əlavə pensiya, birdəfəlik maliyyə yardımı ala, tibbi xidmətdən yararlana bilir.
Son illər maliyyə böhranı üzündən fond vəsait qıtlığı yaşayır.
