Şəhid əsgər torpağa tapşırıldı
İşğalçı erməni silahlı qüvvələrinin atəşkəsi pozması nəticəsində şəhid olan Azərbaycan əsgəri Cabbar Zeynalov oktyabrın 23-də Saatlı rayonunun Heydərabad kəndində dəfn edilib.
Dəfn mərasiminə şəhidin yaxınları, xidmət etdiyi hərbi hissənin əsgər və zabit heyəti, Saatlı Rayon İcra Hakimiyyətinin rəhbərliyi, Müdafiə Nazirliyinin, Səfərbərlik və Hərbi Xidmətə Çağırış üzrə Dövlət Xidmətinin əməkdaşları qatılıblar.
Azərbaycan Silahlı Qüvvələrinin 1999-cu il təvəllüdlü hərbi qulluqçusu Cabbar Zeynalov oktyabrın 22-də şəhid olub.
Allah rəhmət eləsin!
1988-ci ildən Ermənistan Dağlıq Qarabağ bölgəsini Azərbaycandan qoparmaq üçün təcavüzə başlayıb. 1991-ci ildə erməni separatçılar Dağlıq Qarabağı “müstəqil dövlət” elan edib. Bunun ardınca alovlanan işğalçı müharibədə Dağlıq Qarabağ və onun ətrafındakı 7 rayon Ermənistanın nəzarətinə keçib.
1994-cü ildə elan olunan atəşkəsdən bəri ATƏT-in Minsk qrupunun vasitəçiliyi ilə aparılan sülh danışıqları heç bir nəticə vermir.
