Prezidentlik marafonu ikinci tura qaldı
Sloveniyada oktyabrın 22-də keçirilmiş prezident seçkisi qalibi müəyyən etməyib. 9 namizədin heç biri 50 faizlik həddi keçə bilmədiyi üçün noyabrın 12-nə ikinci tur təyin olunub.
Novator.az-ın məlumatına görə, indiki prezident Borut Pahor 47,07% səslə ilk turu lider kimi bitirib. Kamnik şəhərinin meri Maryan Şarets 24,97% səs yığıb. Borut Pahor və Maryan Şarets ikinci turda üz-üzə gələcəklər.
Parlament respublikası olan Sloveniyada məhdud səlahiyyətlərə malik prezident 5 il müddətinə seçilir.
