Azərbaycandan ixracın yeni göstəriciləri
2017-ci ilin yanvar-sentyabr aylarında Azərbaycanın ixracı ötən ilin 9 ayına nisbətən 13,35% azalıb. Dövlət Gömrük Komitəsi MDB ölkələrinə ixracın 47,79% artdığını, Avropa İttifaqına ixracın 28,92% azaldığını bəyan edib. Digər ölkələrə ixrac 1,47% irəliləyib (Rəsmi hesabat).
Novator.az ayrı-ayrı ölkələr üzrə ixraca nəzər salıb.
MDB ölkələrinə ixracda ən yüksək artım Ukrayna üzrə qeydə alınıb: 406,76%.
Rusiyaya ixrac 56,09%, Özbəkistana ixrac 7,58%, Qazaxıstana ixrac 7,33% artıb.
Qonşu İrana ixrac ötən ilin 9 ayı ilə müqayisədə 64,56% azalıb.
Türkiyəyə ixracda isə 6,44% artım qeydə alınıb.
Gürcüstana ixrac da yüksəlib: 31,22%.
Avropa ölkələrindən Lüksemburqa ixrac 588,73 dəfə, Kiprə ixrac 24,96 dəfə, Serbiyaya ixrac 13,02 dəfə, Danimarkaya ixrac 12,94 dəfə çoxalıb.
Latviya üzrə 235,52%, Finlandiya üzrə 182,85%, Rumıniya üzrə 116,02%, Avstriya üzrə 115,65%, Slovakiya üzrə 111,92%, Belçika üzrə 106,65%, Çexiya üzrə 88,49%, Polşa üzrə 83,34%, Portuqaliya üzrə 71,5%, Sloveniya üzrə 34,8%, Yunanıstan üzrə 27,56%, İsveç üzrə 22,91%, İsveçrə üzrə 18,18% Estoniya üzrə 3,48% artım var.
İxracda artım olan bəzi başqa ölkələr belə sıralanır:
Avstraliya – 496,26%
Misir – 326,16%
Kanada – 319,46%
Çin – 142,59%
Pakistan – 98,43%
Cənubi Koreya – 77,61%
Yaponiya – 72,02%
Birləşmiş Ərəb Əmirlikləri – 57,04%.
