Türklər həm səfərdə, həm evdə uduzdu
UEFA Avropa Liqasının qrup mərhələsində üçüncü tur Türkiyə klublarına düşməyib. Novator.az-ın məlumatına görə, C qrupunda yarışan “Başakşəhər” komandası oktyabrın 19-u Almaniyada “Hoffenhaym”a 1:3 hesabı ilə məğlub olub.
“Braqa” (Portuqaliya) – “Ludoqorets” görüşündə bolqar qonaqlar üstün gəlib – 2:0.
İ qrupunda yer alan digər Türkiyə təmsilçisi “Konyaspor” evdə Avstriyanın “Zalsburq” klubuna 0:2 hesabı ilə uduzub.
“Marsel” (Fransa) öz meydanında “Gimarayeş”i (Portuqaliya) yenib – 2:1.
İki dövrəlik turnirdən növbəti mərhələyə çıxmaq üçün qrupda ən azı ikinci yeri tutmaq gərəkdir. Hazırda “Başakşəhər” 1 xalla dördüncü, “Konyaspor” 3 xalla üçüncü pillədə qərarlaşıb.
