Saatdan əl çəkənlər və başqaları
2016-cı ilin martında Azərbaycanın Nazirlər Kabineti yay vaxtının tətbiqi haqqında 1997-ci ildən qüvvədə olan qərarı ləğv edib. Həmin vaxtadək hər il martın son bazar günü əqrəblərin bir saat qabağa çəkilməsi ilə yay vaxtına keçilir, oktyabrın son bazar günü isə əqrəblərin bir saat geri çəkilməsi ilə yay vaxtı ləğv olunurdu.
Son statistikaya görə, dünyada ümumilikdə 70-dən çox ölkə və ərazidə yay vaxtına keçid tətbiq edilir.
Novator.az bildirir ki, keçmiş SSRİ məkanında Azərbaycanla yanaşı Rusiya, Belarus, Gürcüstan, Ermənistan, Qazaxıstan, Qırğızıstan, Tacikistan, Türkmənistan, Özbəkistan saatı irəli-geri çəkmir.
Latviya, Litva, Estoniya, Moldova, Ukraynada isə yay və qış vaxtı rejimləri var.
Qonşu İranda saat irəli-geri çəkilir. Türkiyədə bu sistem tətbiq olunmur.
ABŞ-da (Havay ştatı və Arizona ştatının böyük hissəsindən başqa) saatlar yay-qış vaxtına uyğun olaraq çəkilir.
Avropa ölkələrinin çoxunda, o cümlədən Albaniya, Andorra, Almaniya, Avstriya, Böyük Britaniya, Belçika, Bosniya və Herseqovina, Danimarka, Fransa, Finlandiya, Yunanıstan, Xorvatiya, İtaliya, İspaniya, İsveç, İsveçrə, İrlandiya, Bolqarıstan, Kipr, Çexiya, Macarıstanda yay-qış vaxtları tətbiq olunur.
İslandiya isə sabit saatla yaşayır.
Çin, İraq, Birləşmiş Ərəb Əmirlikləri, İsrail, Yaponiya, Hindistan, Misir, Əfqanıstan, Kanada (bəzi regionları çıxmaqla), Şimali Koreya və Cənubi Koreyada yay-qış vaxtına keçid yoxdur.
Səidə Hüseynova
