İlin əsas xarici ticarət tərəfdaşları
Azərbaycanın əsas xarici ticarət tərəfdaşları açıqlanıb. Novator.az-ın məlumatına görə, Dövlət Gömrük Komitəsi bildirir ki, 2017-ci ilin yanvar-sentyabr aylarında əsas tərəfdaş İtaliya olub. Bu ölkə ilə ticarət ümumi dövriyyənin 14,24 faizi həcmində göstərilir.
Türkiyə 13,68 faizlə ikinci, Rusiya 10,02 faizlə üçüncüdür.
İxracda əsas ölkə İtaliyadır: 22,21 faiz.
İdxalda isə Rusiya birincidir: 16,86 faiz.
MDB ölkələrinə ixrac 47,79 faiz artıb. Avropa İttifaqına ixracda 28,92 faiz azalma var. Digər ölkələrə ixrac 1,47 faiz irəliləyib.
MDB-dən idxal 10,29 faiz artıb, Avropa İttifaqından idxal 22,62 faiz düşüb. Digər ölkələr üzrə göstəricidə 8,45 faiz yüksəliş var.
