Gömrük pozuntularının yeni statistikası
Dövlət Gömrük Komitəsi 2017-ci ilin 9 ayı üzrə gömrük hüquqpozmalarının statistikasını yayıb. Novator.az-ın məlumatına görə, qeyd olunur ki, yanvar-sentyabr aylarında gömrük orqanları cinayət xarakterli 584 fakt aşkarlayıb.
Gömrükçülər 356 qaçaqmalçılıq faktı, narkotik vasitələrin və psixotrop maddələrin qanunsuz dövriyyəsi ilə əlaqədar 168 fakt, 1 gömrük ödənişindən yayınma, 69 aksiz markası olmadan mal idxal etmə faktı, 172 digər cinayət xarakterli fakt qeydə alıb.
Yanvar-sentyabr ayları ərzində gömrük hüquqpozmalarında 637 şəxs təqsirləndirilib.
Dövlət Gömrük Komitəsi hesabat dövründə 6081 inzibati xəta faktı ortaya çıxarıb.
