9 ayın yekunu: ixrac azalıb, idxal artıb
2017-ci ilin yanvar-sentyabr aylarında Azərbaycanın ticarət əməliyyatlarının həcmi ötən ilin 9 ayına nisbətən 7,92 faiz azalaraq 14 milyard 321,5 milyon dollar olub.
Novator.az-ın məlumatına görə, Dövlət Gömrük Komitəsinin 9 aylıq hesabatında bildirilir ki, ixracda (8 milyard 143,9 milyon dollar) 2016-cı ilin eyni vaxtına nisbətən 13,35 faiz azalma var.
İdxal ötən ilin müvafiq dövrünə nisbətən 0,38 faiz artaraq 6 milyard 177,6 milyon ABŞ dolları olub.
Hesabata görə, yanvar-sentyabr aylarında 187 ölkə ilə ticarət əməliyyatı aparılıb.
9 ayda gömrük orqanları büdcəyə 1 milyard 951,6 milyon manat ödəyib.
