Nazirlik iş yeri arayışına dair hesabat yayıb
Əmək və Əhalinin Sosial Müdafiəsi Nazirliyinin “İş yerinə dair arayış” elektron xidmətinə cari ilin yanvar-sentyabr aylarında 221 min 656 dəfə müraciət edilib. Bu, ötən ilin müvafiq dövrü ilə müqayisədə 41,8 faiz çoxdur.
Rəsmi hesabata görə, istifadəyə verildiyi 2014-cü ilin dekabr ayından bu yana “İş yerinə dair arayış” elektron xidmətinə 697 min 700 müraciət qeydə alınıb. Bu da “Elektron hökumət” portalındakı 18 növ e-arayış xidməti üzrə indiyədək edilən ümumi müraciətlərin (1 milyon 407 min 771 müraciət) 49,6 faizinə bərabərdir.
Xidmət vətəndaşlara işəgötürənlərinə müraciətsiz və istənilən vaxt elektron qaydada öz iş yerləri haqqında arayış almaq imkanı verir.
