DTX-nın əməliyyatı: saxta araq şəbəkəsi üzə çıxıb
Oktyabrın 19-da Dövlət Təhlükəsizliyi Xidmətinin ictimai əlaqələr şöbəsi rəsmi məlumat yayıb. Qeyd olunur ki, Azərbaycan-Gürcüstan sərhədindən qaçaqmalçılıq yolu ilə Azərbaycana keçirilən, saxta araq istehsalı üçün nəzərdə tutulan 619 min 500 ədəd aksiz markası əməliyyat yolu ilə saxlanıb.
Məlumata əsasən, araşdırmalar zamanı saxta aksiz markalarının çatdırıldığı, qanunsuz fəaliyyət göstərən xüsusi məkanlarda keyfiyyətsiz spirtin su ilə texniki qarışığından əldə edilməklə kütləvi satışa çıxarılan saxta araqların istehsal olunduğu üzə çıxıb. Bu məqsədlə keyfiyyətsiz spirt saxlanan çoxlu sayda çən aşkar olunub.
Başlanmış cinayət işi üzrə Dövlət Təhlükəsizliyi Xidməti və Vergilər Nazirliyi birgə araşdırmaları davam etdirir.
