Vətəndaş müraciətləri haqqında hesabat
Vergilər Nazirliyi vətəndaş müraciətləri haqqında hesabat yayıb. Novator.az-a verilən rəsmi məlumata görə, 2017-ci ilin 9 ayı ərzində vergi orqanlarına 74609 müraciət daxil olub (onların 93,2%-i ərizə, 7,3%-i şikayət, 0,2%-i təklifdir).
Müraciətlərin 38,7%-i müxtəlif arayışların alınması, 31,6%-i kameral vergi yoxlamaları, 10,4%-i vergi borcları, 2,8%-i vergidən yayınma, nağd hesablaşmaların aparılması qaydalarının pozulması, qanunsuz sahibkarlıq fəaliyyəti, 2,5%-i vergi qanunvericiliyinin tətbiqi, qalanları digər məsələlərlə bağlı olub.
Nazirlik müraciətlərin 70,4%-nin müsbət həll olunduğunu bildirir.
Hesabat dövründə vergi orqanlarında ümumilikdə 3279 vətəndaş qəbul edilib, vergilər nazirinin 4 bölgədə keçirdiyi səyyar qəbullara isə 18 rayonda yaşayan 133 vətəndaş qatılıb.
