Əmək Müfəttişliyi Xidməti 95 min manata yaxın vəsait ödətdirib
Əmək və Əhalinin Sosial Müdafiəsi Nazirliyi yanında Dövlət Əmək Müfəttişliyi Xidməti bu ilin 9 ayında 94563 manat məbləğində gecikdirilmiş sosial xarakterli ödənişlərin işçilərə ödənməsini təmin edib. Rəsmi hesabata görə, həmin vəsaitin 93,3 faizi əmək haqları, 4,2 faizi sosial müavinət və kompensasiyalar, qalan hissəsi isə zərərə görə ödənclər olub.
Ayrı-ayrı vətəndaşların işdən qanunsuz azad olunmalarına dair müraciətləri əsasında da qanunvericiliyə uyğun tədbirlər görülüb və işindən qeyri-qanuni çıxarıldığı aşkar olunan şəxslər işlərinə bərpa etdiriliblər.
