Tbilisidə ordu sammiti
Oktyabrın 17-si Tbilisidə Azərbaycan, Gürcüstan və Türkiyə Silahlı Qüvvələrinin rəhbərlərinin üçtərəfli görüşü keçirilib. AZƏRTAC xəbər verir ki, Azərbaycanın müdafiə naziri Zakir Həsənov, Gürcüstan və Türkiyənin Baş Qərargah rəisləri Vladimir Çaçibaya ilə Hulusi Akarın iştirak etdiyi görüşdə hərbi əməkdaşlığın perspektivləri, regional təhlükəsizlik və bölgədə həyata keçirilən iqtisadi layihələrin birgə mühafizəsi məsələləri müzakirə olunub.
Silahlı Qüvvələrin rəhbərləri Azərbaycanın və Gürcüstanın ərazi bütövlüyü, Türkiyədə və dünyada baş verən proseslər ətrafında fikir mübadiləsi aparıblar.
Görüşün yekununda birgə protokol imzalanıb.
