Qanunsuz ova qarşı reydlər
Ekologiya və Təbii Sərvətlər Nazirliyi qanunsuz ova qarşı reydlərin hesabatını verib. Rəsmi məlumata görə, 2017-ci ilin 9 ayında keçirilən reydlərdə qanunsuz ovla məşğul olan 110 vətəndaş saxlanıb, onlardan 90 ov tüfəngi, 396 patron, 22 ədəd quş, 10 baş heyvan götürülüb.
Qanun pozucularından 98-nə 95790 manat məbləğində cərimə və iddia tətbiq olunub, 13 fakt üzrə təqsirkarların şəxsiyyətlərinin müəyyənləşdirilməsi üçün polis orqanlarına müraciət edilib.
Reydlər zamanı ayrı-ayrı ictimai iaşə obyektlərində vəhşi təbiətdən qanunsuz götürülən quş və heyvanların qəfəsdə saxlanması ilə bağlı 8 fakt aşkar edilib. Hər bir qanun pozucusu 500 manat məbləğində cərimə olunub, vəhşi quş və heyvanlar götürülərək Altıağac Milli Parkının nəzdində fəaliyyət göstərən Vəhşi Təbiətin Bərpası və Reabilitasiyası Mərkəzinə təhvil verilib.
