9 ayda 1 milyon 243 min 346 əcnəbi gəlib
Dövlət Miqrasiya Xidməti bu ilin 9 ayının yekunlarını açıqlayıb. Rəsmi məlumata görə, yanvar-sentyabr aylarında 1 milyon 243 min 346 nəfər əcnəbinin ölkə ərazisinə girişi, 1 milyon 241 min 5 nəfər əcnəbinin ölkədən çıxışı qeydə alınıb.
9 ay ərzində ölkədə 633 min 827 əcnəbi və vətəndaşlığı olmayan şəxs olduğu yer üzrə qeydiyyata alınmaqla bağlı müraciət edib.
Əcnəbilər və vətəndaşlığı olmayan şəxslərin qanunvericiliyin tələblərini pozması hallarına görə 17 min 76 qərar qəbul edilib.
Ölkədə olma və yaşama icazələrinin alınması, haqqı ödənilən əmək fəaliyyətinin həyata keçirilməsi üçün iş icazələrinin alınması, qaçqın statusunun müəyyənləşdirilməsi, vətəndaşlığa qəbul, bərpa, xitam və vətəndaşlıq mənsubiyyətinin müəyyənləşdirilməsi ilə bağlı 66 min 828 müraciət daxil olub.
