8-i ikiyə böləcək oyunlar təyin olundu
Oktyabrın 17-də dünya futbol çempionatının final raunduna Avropadan son 4 vəsiqə uğrunda cüt oyunların püşkü atılıb. Novator.az-ın məlumatına görə, nəticələr belədir:
Şimali İrlandiya – İsveçrə
Xorvatiya – Yunanıstan
Danimarka – İrlandiya
İsveç – İtaliya.
Bu raund noyabr ayına təyin olunub.
2018-ci ildə keçiriləcək çempionata ev sahibi Rusiya ilə yanaşı Avropadan Almaniya, İngiltərə, Belçika, İspaniya, Polşa, Serbiya, İslandiya, Fransa, Portuqaliya, Afrikadan Nigeriya, Misir, Şimali və Mərkəzi Amerikadan Meksika, Kosta Rika, Panama, Cənubi Amerikadan Braziliya, Uruqvay, Kolumbiya, Argentina, Asiyadan Cənubi Koreya, Yaponiya, Səudiyyə Ərəbistanı, İran vəsiqə alıb.
3 vəsiqənin sahibi gələn ay Afrikada qrup turniri bitəndə bilinəcək.
Noyabrda həmçinin Asiya təmsilçisi Avstraliya Şimali və Mərkəzi Amerikadan Hondurasla, Cənubi Amerikadan Peru Okeaniya zonasının təmsilçisi Yeni Zelandiya ilə cüt oyunlar keçirir.
