Futbolçu prezident seçildi
Veteran futbolçu Corc Vea Liberiya prezidenti seçilib. Novator.az-ın məlumatına görə, oktyabrın 10-da keçirilmiş seçkinin ilkin nəticələrinə əsasən, Corc Vea əsas rəqibi olan vitse-prezident Cozef Bokayanı qabaqlayıb. O, dövlət başçısı postunda Elen Conson-Serlifi əvəzləyəcək.
Corc Vea 1966-cı il oktyabrın 1-də anadan olub. Futbolçu karyerasının böyük hissəsini Avropada keçirən liberiyalı “Monako”, PSJ, “Milan”, “Çelsi”, “Mançester Siti, “Marsel” klublarında oynayıb.
1995-ci ildə Avropanın ən yaxşı futbolçusu seçilib. Uzun illər Liberiya milli komandasının formasını geyinib.
Corc Vea futbolçu karyerasını bitirdikdən sonra ictimai-siyasi fəaliyyətlə məşğul olur.
