Azərbaycanın yeni energetika naziri
Oktyabrın 12-də prezident İlham Əliyev Pərviz Oqtay oğlu Şahbazovu energetika naziri təyin edib.
Əvvəlki energetika naziri Natiq Əliyev 2017-ci il iyunun 9-da dünyasını dəyişib.
Novator.az bildirir ki, Pərviz Şahbazov 1969-cu il noyabrın 24-də Bakı şəhərində anadan olub. İndiki Neft və Sənaye Universitetini bitirib.
1991-ci ildə diplomatik xidmətə qəbul olunub. Xarici İşlər Nazirliyində məsul vəzifələr tutub, Azərbaycanın Avstriyadakı səfirliyində çalışıb. 2005-2016-cı illərdə Azərbaycanın Almaniyadakı səfiri olub.
Pərviz Şahbazovun atası Oqtay Şahbazov hazırda prezidentin işlər müdiri vəzifəsində çalışır.
