Prezident Soçidədir
Prezident İlham Əliyev oktyabrın 11-də MDB Dövlət Başçıları Şurasının iclasında iştirak etmək üçün Rusiyanın Soçi şəhərinə gedib. AZƏRTAC-ın məlumatına görə, Soçi aeroportunda dövlət başçısını Krasnodar vilayətinin qubernatoru, şəhər meri və digər rəsmi şəxslər qarşılayıb.
Novator.az bildirir ki, MDB-nin əsası Rusiya, Belarus və Ukrayna dövlət başçılarının 8 dekabr 1991-ci ildə imzaladığı sazişlə qoyulub. 21 dekabr 1991-ci ildə keçmiş SSRİ-nin daha 8 respublikası – Moldova, Azərbaycan, Ermənistan, Qazaxıstan, Özbəkistan, Türkmənistan, Qırğızıstan, Tacikistan sazişi imzalayaraq MDB-yə qoşulublar.
1993-cü il dekabrın 9-da Gürcüstan da MDB-yə üzv olub, ancaq 18 avqust 2009-cu ildə bu qurumdan ayrılıb.
