Nazirlik 16601 nəfərə xidmət göstərib
Bu ilin 9 ayında Əmək və Əhalinin Sosial Müdafiəsi Nazirliyinin reabilitasiya müəssisələrində əlilliyi olan 16601 şəxs bərpa-müalicə və protez-ortopedik xidmətlərlə təmin edilib. 6965 nəfər əlilliyi olan şəxsə stasionar şəraitdə bərpa-müalicə xidmətləri göstərilib.
Hesabata görə, 9636 nəfər protez-ortopedik xidmətlərlə təmin olunub. Dayaq-hərəkət sisteminin itirilmiş funksiyalarının bərpası məqsədilə onlara ümumilikdə 22453 protez-ortopedik məmulat və reabilitasiya vasitəsi verilib.
