AŞPA: Azərbaycana aid iki qətnamə qəbul olundu
Oktyabrın 11-də Avropa Şurasının Parlament Assambleyası Azərbaycanla bağlı “Azərbaycanda demokratik təsisatların fəaliyyəti” adlı hesabat üzrə qətnaməni səsverməyə çıxarıb. Hesabatı Azərbaycan üzrə məruzəçilər Stefan Şennak və Sezar Florin Preda hazırlayıblar. Qətnamənin lehinə 117 nəfər, əleyhinə 18 nəfər səs verib.
“Azərbaycanın Avropa Şurasında sədrliyi: insan hüquqlarına əməl edilməsi sahəsində atılacaq növbəti addımların vəziyyətinə dair” adlı hesabat üzrə də qətnamə qəbul edilib. Belçikalı deputat Alen Desteksin hazırladığı bu hesabat üzrə qətnaməni 114 nəfər dəstəkləyib, 24 nəfər onun əleyhinə çıxıb.
