Xədicəni ölkədən buraxmamaq qərarı qüvvədə qaldı
Oktyabrın 9-da Bakı Apellyasiya Məhkəməsi jurnalist Xədicə İsmayılın ölkədən çıxışının qadağan edilməsi qərarı üzrə şikayətinə baxıb. Məhkəmə şikayəti təmin etməyib.
Jurnalist ölkədən çıxışına qadağanın götürülməsi üçün Binəqədi Rayon Məhkəməsində çəkişmə aparmış, bu instansiyada istəyinə nail olmadığı üçün apellyasiya şikayəti vermişdi.
“Azadlıq” radiosunun əməkdaşı olan Xədicə İsmayıl 2014-cü il dekabrın 5-də həbs edilib. Jurnalist vergidən yayınma, mənimsəmə, qanunsuz sahibkarlıq, vəzifə səlahiyyətlərindən sui-istifadə kimi ittihamlarla 7 il 6 ay müddətinə azadlıqdan məhrum edilib. Ali Məhkəmə 2016-cı il mayın 25-də Xədicə İsmayılı 3 il 6 ay şərti cəza ilə həbsdən buraxıb. Sonradan şərti cəzanın müddəti 3 il 6 aydan 2 il 3 aya endirilib.
