Silahlarla tanışlıq
Müdafiə naziri Zakir Həsənov Belarusda rəsmi səfərdədir. Həmkarı Andrey Ravkovun dəvəti ilə səfərə çıxan Zakir Həsənov Belarusun hərbi-siyasi rəhbərliyi və digər dövlət strukturlarının rəhbərləri ilə görüşlər keçirəcək, hərbi sənaye kompleksinə daxil olan müəssisələri ziyarət edəcək. Mod.gov.az-ın məlumatına görə, görüşlərdə hərbi, hərbi-texniki və hərbi təhsil sahələrində ikitərəfli əməkdaşlığın inkişaf perspektivləri, təhlükəsizlik problemləri və qarşılıqlı maraq doğuran digər məsələlər müzakirə olunacaq.
Oktyabrın 8-də Zakir Həsənov hərbi sənaye kompleksinə daxil olan müəssisəni və hərbi poliqonu ziyarət edib. Nümayəndə heyəti Belarusun hərbi sənayesinin istehsal etdiyi döyüş texnikaları və hərbi təyinatlı digər vasitələrlə tanış olub, Azərbaycan Ordusunun silah arsenalını gücləndirə biləcək silah və hərbi texnika ilə maraqlanıb.
