Rusiyaya daha beş bilet
Son üç gündə (6-8 oktyabr) keçirilmiş seçmə oyunlardan sonra daha beş milli komanda dünya futbol çempionatının final raunduna adlayıb. Novator.az-ın məlumatına görə, Avropadan İspaniya, Polşa, Afrikadan Nigeriya, Misir, Şimali və Mərkəzi Amerikadan Kosta Rika Rusiyaya bilet əldə ediblər.
2018-ci ildə keçiriləcək çempionata Avropadan Almaniya, İngiltərə, Belçika, Cənubi Amerikadan Braziliya, Şimali və Mərkəzi Amerikadan Meksika, Asiyadan Cənubi Koreya, Yaponiya, Səudiyyə Ərəbistanı, İran daha əvvəl vəsiqə alıb.
Azərbaycan milli komandası seçmə mərhələdə son oyununu oktyabrın 8-i Almaniyada keçirib. 1:5 hesabı ilə məğlub olan milli komanda Avropanın C qrupunu 5-ci sırada bitirib.
