Nazirlik reyd keçirib prokurorluğa üz tutdu
Ekologiya və Təbii Sərvətlər Nazirliyinin əməkdaşları qanunvericiliyin tələblərinə əməl olunması vəziyyətini yoxlamaq məqsədilə reyd keçirib. Oktyabrın 9-da yayılan rəsmi məlumata görə, reyd zamanı Binəqədi qəsəbəsindəki 43 saylı yanacaqdoldurma məntəqəsinin ərazisində iki ədəd Eldar şamının kəsildiyi və təbiətə 1350 manat məbləğində ziyan vurulduğu müəyyən olunub.
Ərazinin mülkiyyətçisi Elnur İbrahimov barəsində akt tərtib edilib. Dəymiş ziyanın məbləği cinayət tərkibi yaratdığından qanun pozuntusu ilə bağlı materiallar Binəqədi Rayon Prokurorluğuna göndərilib.
