Ən çox Nobel qazanan ölkələr
2017-ci ilin fiziologiya və tibb üzrə Nobel mükafatını amerikalı professorlar Ceffri Holl, Maykl Rozbaş və Maykl Yanq, fizika üzrə Nobel mükafatını amerikalı tədqiqatçılar Kip Torn, Rayner Vayss və Barri Beriş, kimya üzrə Nobel mükafatını isveçrəli Jak Debuş, amerikalı Yoahim Frank və Böyük Britaniya təmsilçisi Riçard Henderson, iqtisadiyyat üzrə Nobel mükafatını amerikalı iqtisadçı Riçard Taler aldı.
Ədəbiyyat üzrə Nobel mükafatı yapon əsilli Böyük Britaniya yazıçısı Kadzuo İsiquroya, Nobel sülh mükafatı Nüvə Silahının Qadağan Olunması üzrə Beynəlxalq Kampaniyaya qismət oldu.
Novator.az bildirir ki, 1901-ci ildən bəri ABŞ-dan 370 nəfər Nobel mükafatı qazanıb.
Böyük Britaniya 127 laureatla 2-ci, Almaniya 107 laureatla 3-cüdür.
Fransanın 68, İsveçin 31 Nobeli var.
Yaponiya, İsveçrə və Rusiya (keçmiş SSRİ ilə birgə) 26, Niderland 21, İtaliya 20 Nobel qazanıb.
