Maşallah Əhmədov azadlığa çıxıb
Veteran futbolçu Maşallah Əhmədov oktyabrın 7-də azadlığa buraxılıb.
Bu il yanvarın 30-da Bakı Ağır Cinayətlər Məhkəməsi Maşallah Əhmədovu 8 il müddətinə azadlıqdan məhrum edib və o, məhkəmə zalında həbs olunub. Bizneslə məşğul olan Maşallah Əhmədov bir neçə şəxsə külli miqdarda ziyan vurmaqda təqsirli bilinib. İyulun 24-də Bakı Apellyasiya Məhkəməsi Maşallah Əhmədovun cəzasını 2 ilə endirib.
Veteran futbolçunun 2 illik cəzanın üçdə birini çəkdiyi üçün azadlığa buraxıldığı bildirilir.
Maşallah Əhmədov 1978-ci ildən 1989-cu ilədək Bakının “Neftçi” komandasında oynayıb. 1986-cı ildə o, SSRİ-nin ən güclü 3 hücumçusundan biri seçilib.
