Hərbi əməkdaşlıq planı imzalanıb
Belarusa səfər edən müdafiə naziri Zakir Həsənov oktyabrın 9-da həmkarı Andrey Ravkovla bir araya gəlib. Nazirlərin təkbətək və nümayəndə heyətlərinin iştirakı ilə görüşlərində ikitərəfli münasibətlərin, xüsusilə hərbi, hərbi-texniki və hərbi təhsil sahələrində əməkdaşlığın inkişafının vacibliyi qeyd olunub.
Mod.gov.az-ın məlumatına görə, nazirlər beynəlxalq və regional təhlükəsizlik problemləri, hərbi ekspertlərin qarşılıqlı səfərlərinin təşkili, eləcə də maraq doğuran digər məsələlər barədə geniş fikir mübadiləsi aparıblar.
Görüşün yekununda Azərbaycan və Belarus Müdafiə nazirlikləri arasında 2018-ci il üçün əməkdaşlıq planı imzalanıb.
