8100 manat ziyana görə prokurorluğa müraciət olundu
Ekologiya və Təbii Sərvətlər Nazirliyi Lənkəran rayonunun Tükəvilə kəndində ağacların qanunsuz kəsilməsi ilə bağlı şikayəti araşdırıb. Rəsmi məlumata görə, əraziyə keçirilən baxış zamanı Separadi-Tükəvilə avtomobil yolunun sağ tərəfində, tarlaqoruyucu zolaqda 30 ağacın (ağcaqayın və küknar) kəsildiyi bilinib.
Ərazinin Separadi bələdiyyəsinin mülkiyyətindəki torpaq sahəsi olduğu və təbiətə 8100 manat məbləğində ziyan vurulduğu müəyyən edilib.
Faktla bağlı akt tərtib olunub. Dəymiş ziyanın məbləği cinayət tərkibi yaratdığı üçün materiallar məsələyə hüquqi qiymət verilməsi və təqsirkar şəxslər barəsində tədbirlərin görülməsi üçün Lənkəran Şəhər Prokurorluğuna göndərilib.
