Vergilər Nazirliyindən “Turan” açıqlaması
Oktyabrın 5-də Vergilər Nazirliyi “Turan” informasiya agentliyinin bank hesabına sərəncam qoyulması ilə bağlı məlumata (“Turan”ın pulu borca gedəcək ) aydınlıq gətirib.
AZƏRTAC-a verilən rəsmi açıqlamada deyilir: “Vergiödəyiciləri vergi öhdəliklərini vaxtında yerinə yetirmədikdə onların bank hesablarına Vergi Məcəlləsi ilə müəyyən edilmiş qaydada sərəncam qoyulur. Bank hesablarına sərəncam qoyulması və qoyulmuş sərəncamın geri götürülməsi Vergilər Nazirliyi ilə banklar arasında bağlanmış elektron sənəd mübadiləsi haqqında kollektiv sazişin tələblərinə əsasən insan amili olmadan, avtomatlaşdırılmış qaydada və elektron şəkildə həyata keçirilir. Həmin proqram təminatında yaranmış texniki nasazlıq səbəbindən “Turan” informasiya agentliyinin bank hesabına sərəncam qoyulub və dərhal bu nasazlıq aradan qaldırılaraq sərəncam geri götürülüb”.
