Rafiq İsmayıl vəfat edib
Tarix elmləri doktoru, ictimai-siyasi xadim, Müsavat Partiyası Məclisinin üzvü Rafiq İsmayıl oktyabrın 5-də vəfat edib.
Novator.az bildirir ki, Rafiq İsmayıl 1939-cu ildə Qazax rayonunun Xanlıqlar kəndində anadan olub.
1964-cü ildə indiki Bakı Dövlət Universitetinin şərqşünaslıq fakültəsinin ərəb şöbəsini bitirib.
1964-1967-ci illərdə SSRİ İqtisadi Əlaqələr Komitəsinin xətti ilə Sudanda və Yəməndə tərcüməçi kimi çalışıb.
1968-ci ildən BDU-da müəllim, baş müəllim, dosent vəzifələrində işləyib. 1978-1986-cı illərdə tarix fakültəsinin dekan müavini olub.
1992-1993-cü illərdə, AXC hakimiyyəti dövründə Azərbaycan Respublikasının humanitar məsələlər üzrə dövlət müşaviri postunu tutub.
1993-cü ildən BDU-nun müəllimi kimi pedaqoji fəaliyyətini davam etdirib.
Monoqrafiyalar və kitablar müəllifidir.
Allah rəhmət eləsin!
