Yağış, leysan, qar
Ekologiya və Təbii Sərvətlər Nazirliyinin Milli Hidrometeorologiya Departamenti xəbər verir ki, oktyabrın 3-ü gündüzdən 4-ü səhərədək ölkədə arabir yağış yağıb, bəzi yerlərdə leysan xarakterli intensiv olub, yüksək dağlıq ərazilərə qar düşüb.
Yağıntının miqdarı Bakıda və Abşeron yarımadasında 59, Lənkəran-Astara zonasında 91, Böyük Qafqazda 20, Mərkəzi Aran rayonlarında 18, Kiçik Qafqazda 27, Qazax-Gəncə zonasında 9, Naxçıvanda 15 millimetrə çatıb.
Qarın qalınlığı Xınalıqda 13, Ləzədə 3, Lerik rayonunun dağlıq ərazilərində 10-20 santimetr olub.
