Neftdə yeni ucuzlaşma
Dünya birjalarında neftin qiyməti düşüb. Nyu-York birjasında “Layt” markalı neftin barreli 14 sent ucuzlaşaraq 50,44 dollar, London birjasında “Brent” markalı neftin barrelinin qiyməti 21 sent azalaraq 55,91 dollar olub.
AZƏRTAC-ın 3 oktyabr məlumatına görə, 1,11 dollar ucuzlaşan “AzəriLayt” markalı neftin barreli 57,51 dollara satılır.
Neftdə ucuzlaşma sentyabrın 27-dən başlayıb. Novator.az bildirir ki, sentyabrın 26-da “AzəriLayt” markalı neftin barreli 60,51 dollara təklif olunub. Bu, ay ərzində 7 dollar bahalaşma demək idi. Avqustun 31-də “AzəriLayt” markalı neftin bir barrelinə 53,51 dollar qiymət qoyulmuşdu.
Azərbaycanın 2017-ci il büdcəsində neftin qiyməti 40 dollar hesablanıb.
