Milli çempionatlarda kimlər ağalıq edir?
Avropada milli futbol çempionatları yığma komandaların oyunlarına görə qısa fasiləyə çıxıb. Novator.az bildirir ki, İngiltərə çempionatında 7 tur arxada qalıb, “Mançester Siti” və “Mançester Yunayted” 19 xalla öndə gedirlər. “Tottenhem” 14 xalla üçüncü pillədədir.
7 turun yekununda Almaniya çempionatında “Borussiya” (Dortmund) 19 xalla liderlik edir. “Bavariya” və “Hoffenhaym” 14 xalla sonrakı iki pilləni bölüşürlər.
İspaniya çempionatında 7 turdan sonra “Barselona” şəriksiz liderdir: 21 xal. “Sevilya” 16 xalla ikincidir, “Valensiya” və “Atletiko”nun 15 xalı var.
7 turu geridə qalan İtaliya çempionatında ilk pilləni 21 xalla “Napoli” tutur. “Yuventus” və “İnter” 19 xal toplayıblar.
PSJ 8 turdan sonra Fransa çempionatında zirvədə dayanır. Parislilərin 22 xalı var. “Monako” 19 xalla ikincidir, onu 16 xalla “Marsel” və “Nant” təqib edirlər.
Hollandiya çempionatında 7 turdan sonra PSV (18 xal), Portuqaliya çempionatında 8 turdan sonra “Portu” (22 xal), Türkiyə çempionatında 7 turdan sonra “Qalatasaray” (19 xal) öndə gedir.
Ukrayna çempionatında 11 turdan sonra lider “Şaxtyor” 28 xal yığıb.
Rusiya çempionatında 12 turdan sonra 28 xalla “Zenit” öndədir.
