Fizika Nobeli də amerikalılara getdi
2017-ci ilin fizika üzrə Nobel mükafatını amerikalı tədqiqatçılar Kip Torn, Rayner Vayss və Barri Beriş alıb. Novator.az xəbər verir ki, qərarı oktyabrın 3-də İsveç Elmlər Akademiyasının Nobel komitəsi açıqlayıb.
Alimlər Nobel mükafatına qravitasiya dalğalarını aşkarlayan observatoriya quruculuğuna görə layiq biliniblər.
2017-ci ilin fiziologiya və tibb üzrə Nobel mükafatı da amerikalılara qismət olub. Professorlar Ceffri Holl, Maykl Rozbaş və Maykl Yanq Stokholmdakı Kral Tibb İnstitutunun Nobel komitəsinin qərarı ilə laureat olublar.
Nobel mükafatının builki məbləği 9 milyon kron (1 milyon ABŞ dolları) müəyyən olunub.
Səidə Hüseynova
