Dağlara qar düşüb
Ekologiya və Təbii Sərvətlər Nazirliyi xəbər verir ki, oktyabrın 2-si gündüzdən 3-ü səhərədək ölkədə kəskin hava şəraiti davam edib, arabir yağış yağıb, bəzi yerlərdə leysan xarakterli intensiv olub, yüksək dağlıq ərazilərə (Xınalıq, Qırız, Şahdağ) qar düşüb. Şimal-qərb küləyi əsib, bəzi rayonlarda arabir güclənib.
Düşən yağıntının miqdarı Bakıda və Abşeron yarımadasında 39, Lənkəran-Astara zonasında 110, Böyük Qafqazda 70, Mərkəzi Aran rayonlarında 56, Kiçik Qafqazda 35, Qazax-Gəncə zonasında 25, Naxçıvan Muxtar Respublikasında 10 millimetrə çatıb.
Qarın qalınlığı Xınalıqda 17, Qırızda 7, Ləzədə 3 santimetr olub.
