3 oktyabr hərracının nəticələri
Əmlak Məsələləri Dövlət Komitəsi oktyabrın 3-də hərrac keçirib. Özəlləşdirilən əmlaklardan 4-ü istifadəsiz qeyri-yaşayış sahəsi, 5-i nəqliyyat vasitəsidir.
Rəsmi məlumata görə, özəlləşdirilməyə çıxarılan QAZ-2705 nəqliyyat vasitəsinə 2 sifariş verilib. Start qiyməti 1 min 250 manata olan QAZ-2705 sonda 2 min 450 manata özəlləşdirilib.
Hərracda ən yüksək qiymətə özəlləşdirilən əmlak Bakının Nərimanov rayonunda yerləşən qeyri-yaşayış sahəsi olub.
Ən ucuz qiymətə özəlləşdirilən qeyri-yaşayış sahəsi isə paytaxtın Suraxanı rayonunda yerləşir. Həmin əmlak 2 min 250 manata sahibini tapıb.
