Yeni yol açılıb
Prezident İlham Əliyev oktyabrın 2-də Qobustan rayonuna səfəri çərçivəsində Bakı-Şamaxı-Muğanlı avtomobil yolunun 55-101-ci kilometrlik hissəsini əhatə edən Cəngi-Bədəlli yolunun açılışında iştirak edib.
AZƏRTAC xəbər verir ki, Bakı-Şamaxı-Muğanlı avtomobil yolunun Cəngi-Bədəlli hissəsi dörd zolağa genişləndirilib. Yolun ümumi uzunluğu 46 kilometr, eni isə 27,5 metrdir. Yolboyu 16 yeraltı və 6 yerüstü piyada keçidi tikilib. Ceyrankeçməz çayı üzərində uzunluğu 47,5, ümumi eni isə 30 metr olan körpü də inşa olunub.
