Fiziologiya və tibb: Nobel mükafatını amerikalılar aldı
2017-ci ilin fiziologiya və tibb üzrə Nobel mükafatına amerikalı professorlar Ceffri Holl, Maykl Rozbaş və Maykl Yanq layiq görülüblər. Novator.az xəbər verir ki, qərarı oktyabrın 2-də Stokholmdakı Kral Tibb İnstitutunun Nobel komitəsi açıqlayıb.
Alimlər Nobel mükafatına orqanizmdə bioloji ritmləri tənzimləyən molekulyar mexanizmlərin öyrənilməsinə görə layiq biliniblər.
1944-cü il təvəllüdlü Maykl Rozbaş ABŞ-ın Brandeys Tədqiqat Universitetinin, 1945-ci ildə doğulan Ceffri Holl Men Universitetinin, 1945-ci ildə anadan olan Maykl Lank Nyu-Yorkun Rokfeller Universitetinin professorudur.
Nobel mükafatının builki məbləği 9 milyon kron (1 milyon ABŞ dolları) müəyyən olunub.
Səidə Hüseynova
