Vida mərasimi
Sentyabrın 29-u Azərbaycan Milli Elmlər Akademiyasının binasında alim Lütfi Zadə ilə vida mərasimi keçirilir. Prezident İlham Əliyev vida mərasimində iştirak edir.
Lütfi Zadə (Lütfəli Rəhim oğlu Ələsgərzadə) 1921-ci il fevral ayının 4-də Bakı şəhərində anadan olub. 10 yaşında ailəsi ilə birlikdə İrana köçüb.
Tehran Universitetini elektrik mühəndisliyi ixtisası üzrə bitirən Lütfi Zadə Amerika Birləşmiş Ştatlarının Massaçusets Texnologiya İnstitutunda və Kolumbiya Universitetində magistr və doktor elmi dərəcələri alıb.
1959-cu ildən Kaliforniya ştatındakı Berkli Universitetinin ömürlük professoru seçilib, 1963-cü ildən bu ali məktəbin elektrik mühəndisliyi və kompüter elmləri kafedrasına rəhbərlik edib və Yumşaq Hesablamalar üzrə Berkli Təşəbbüsünün rəhbəri kimi fəaliyyət göstərib.
Lütfi Zadə sentyabrın 6-sı ABŞ-da vəfat edib. Alim Bakıda, Fəxri xiyabanda dəfn olunacaq.
