Tilsim qırıldı
UEFA Avropa Liqasının qrup mərhələsində ikinci tur keçirilib. Novator.az-ın məlumatına görə, C qrupunda yarışan Türkiyənin “Başakşəhər” komandası sentyabrın 28-i Portuqaliyada “Braqa”ya 1:2 hesabı ilə uduzub.
“Ludoqorets” (Bolqarıstan) isə evdə həmin hesabla “Hoffenhaym”dan (Almaniya) üstün olub.
İ qrupunda yer alan digər Türkiyə klubu “Konyaspor” doğma meydanda Portuqaliyanın “Gimarayeş” komandasını yenib – 2:1. Bu, konyalıların Avropanın klub turnirlərində ilk qələbəsi olub. Komanda dünənədək keçirdiyi 7 oyunun 6-da uduzmuş, birini heç-heçə başa vurmuşdu.
“Zalsburq” (Avstriya) – “Marsel” (Fransa) oyunu isə 1:0 hesabı ilə başa çatıb.
İki dövrəlik turnirdən növbəti mərhələyə çıxmaq üçün qrupda ən azı ikinci yeri tutmaq gərəkdir. Hazırda həm “Başakşəhər” (1 xalla), həm də “Konyaspor” (3 xalla) üçüncü pillədə qərarlaşıb.
