Ödənişli ali təhsil bir ayda 10,7 faiz bahalaşıb
Bu ilin avqust ayında Bakıda istehlak məhsulları və xidmətlər iyul ayına nisbətən 0,1 faiz bahalaşıb. Novator.az bildirir ki, Bakı Şəhər Statistika İdarəsi belə hesabat yayıb.
Rəsmi hesabata görə, ərzaq məhsulları üzrə 0,3 faiz, xidmətlər üzrə 0,1 faiz qiymət artımı, qeyri-ərzaq məhsulları üzrə 0,1 faiz ucuzlaşma qeydə alınıb.
Ət və balıq məhsullarının 0,8 faiz, süd məhsulları, pendir və yumurtanın 0,1 faiz, tərəvəzin 1,5 faiz bahalaşdığı qeyd edilir.
Qeyri-ərzaq məhsullarına gəlincə, inşaat materialları üzrə 0,1 faiz qiymət artımı olub.
Xidmətlər üzrə ən böyük qiymət artımı ödənişli ali təhsil haqqı qrupundadır: 10,7 faiz.
8 ayın yekununda Bakıda 17 min 280 nəfərin işsiz kimi qeydə alındığı bildirilir. İşsizliyə görə müavinət alan 2468 nəfərə hesablanmış orta aylıq məbləğ 284,46 manat olub.
