İqtisadi azadlıq reytinqi: Azərbaycan neçəncidir?
Kanadanın Freyzer İnstitutu Ukraynanın İqtisadi Azadlıq Cəmiyyəti ilə birgə iqtisadi azadlıq reytinqi açıqlayıb. İndeks 5 sahə üzrə (dövlət xərcləri və vergi yükü; mülkiyyət hüququnun müdafiəsi və hüquqi struktur; maliyyə qaynaqlarına çıxış; beynəlxalq ticarət azadlığı; kreditləşmənin, əməyin, biznesin tənzimlənməsi) 42 göstərici əsasında hazırlanıb.
İqtisadi azadlıq meyarları kimi şəxsi seçim, könüllü dəyişmə, bazarlara çıxış və rəqabət azadlığı, fərdi azadlıq və şəxsi mülkiyyətin toxunulmazlığı meyarları göstərilir.
Novator.az-ın məlumatına görə, 159 ölkənin adı olan siyahıda Honkonq birinci yerdə dayanır. İkinci yerdə Sinqapur, üçüncü yerdə Yeni Zelandiya gəlir.
Keçmiş SSRİ məkanı ölkələrindən Gürcüstan 8-ci, Estoniya 10-cu, Ermənistan 29-cu yerdədir.
Qazaxıstan 66-cı, Rusiya 100-cü, Moldova 102-ci, Ukrayna 149-cu pillədədir.
Azərbaycan reytinq cədvəlində 114-cü yerdə göstərilib.
