Yeni təltiflər
Prezident İlham Əliyev bir qrup mədəniyyət işçisini təltif edib. Novator.az-ın məlumatına görə, xalça sənətinin təbliğində fərqlənən Abasova Aygün Elşad qızı, Səlimov Yalçın Ramiz oğlu “Tərəqqi” medalı, Ağayeva Püstə Tofiq qızı, Məlikova Təranə Nadir qızı, Zeynalova Rəma Mais qızı prezidentin fəxri diplomunu alıblar.
Bəşirov Taryer Ağaveyis oğluna əməkdar rəssam, Şirəliyeva Asya Əlimövsüm qızına əməkdar mədəniyyət işçisi fəxri adları verilib.
Mədəni irsin təbliğində səmərəli fəaliyyətinə görə Təranə Qulam-Rza qızı İsgəndərova “Tərəqqi” medalına, muzey işinin inkişafı və mədəni irsin təbliğində səmərəli fəaliyyətlərinə görə Əfəndiyev Toğrul Rasim oğlu, Əsədova Xədicə Vəli qızı, Həbibova Sevda Nürəddin qızı, Məlikova Əminə Zakir qızı, Nuriyeva Mehriban Qulam qızı əməkdar mədəniyyət işçisi fəxri adına layiq görülüblər.
