Çoxluq dövlət yaratmağa tərəfdar oldu
İraqdakı kürd muxtariyyətinin sentyabrın 25-də keçirdiyi referendumun nəticələri bəlli olub. Novator.az-ın məlumatına görə, səsverməyə gələnlərin 92,7 faizinin (2,86 milyon nəfərin) Kürdüstan regionu və ondan kənardakı kürd ərazilərində müstəqil dövlət yaratmağa tərəfdar çıxdığı bəyan edilib.
Rəsmi Bağdad, qonşu ölkələr və beynəlxalq güclər referendumu qanunsuz sayır, nəticələri tanımır.
İraq kürdlərinin lideri Məsud Bərzani xalqa səslənərək deyib ki, referendumun nəticələri dərhal müstəqillik elan etməyə əsas vermir, ancaq mərkəzi hakimiyyətlə danışıqlarda xalqın rəyinə söykəniləcək.
Rusiya mənbələri İraqda 7 milyon, Türkiyədə 15 milyon, İranda 8 milyon, Suriyada 2 milyon kürdün yaşadığını bildirir.
