Bakıda siftə
Azərbaycanı UEFA Çempionlar Liqasında təmsil edən Ağdamın “Qarabağ” komandası qrup mərhələsində ilk qolunu vurub. Novator.az-ın məlumatına görə, C qrupunda yarışan “Qarabağ” sentyabrın 27-si Bakı Olimpiya Stadionunda İtaliya klubu “Roma”nı qəbul edib. Bərabər səviyyədə keçən oyunda qonaqlar 2:1 hesabı ilə üstün gəlib. “Qarabağ”ın qoluna 28-ci dəqiqədə braziliyalı legioner Pedro Enrike imza atıb.
Qrupdakı digər oyun da 2:1 hesabı ilə başa çatıb: İngiltərənin “Çelsi” klubu Madriddə yerli “Atletiko”nu yenib.
İki turdan sonra “Çelsi” 6 xalla zirvədə qərar tutub. “Roma” 4 xalla ikincidir. “Atletiko”nun 1 xalı var, “Qarabağ” isə xalsızdır.
Qrup mərhələsindən növbəti raunda adlamaq üçün ən azı ikinci yeri tutmaq gərəkdir. Üçüncü yeri tutan Avropa Liqasına transfer olunur.
C qrupunda digər oyunların təqvimi:
18 oktyabr
“Qarabağ “– “Atletiko”
“Çelsi” – “Roma”
31 oktyabr
“Atletiko” – “Qarabağ”
“Roma” – “Çelsi”
22 noyabr
“Qarabağ” – “Çelsi”
“Atletiko” – “Roma”
5 dekabr
“Çelsi “– “Atletiko”
“Roma” – “Qarabağ”.
