İsmayıllıdakı qəzada ölənlərin adları açıqlandı
Daxili İşlər Nazirliyi İsmayıllıda baş vermiş ağır yol-nəqliyyat hadisəsi ilə bağlı məlumat yayıb. Qeyd olunur ki, İsmayıllı rayonunun Qurbanəfəndi kəndi ərazisində əcnəbi vətəndaş olan Enqland Villiam Henrinin idarə etdiyi “Toyota-Prado” və Şəki rayon sakini Rahim Abbasovun idarə etdiyi “Opel-Zafira” markalı avtomobillər toqquşub.
Rahim Abbasov, onun avtomobilində olan Qax rayon sakinləri Rüzgar Bayramov və oğlanları Sahib, Cavid, Yaşar Kərimov və qızları Rüfanə, Turanə hadisə yerində ölüb, digər avtomobilin sürücüsü isə xəstəxanaya yerləşdirilib.
Baş İstintaq və Təhqiqat İdarəsi hadisə ilə bağlı araşdırma aparır.
