Azərbaycan qlobal rəqabətlilik reytinqində irəlilədi
Dünya İqtisadi Forumu 2017-2018-ci illər üzrə qlobal rəqabətlilik indeksini açıqlayıb. Novator.az-ın məlumatına görə, Azərbaycan 137 ölkə arasında 35-ci yerdə qərarlaşıb.
Qlobal rəqabətlilik reytinqi iş adamları arasında sorğu və müxtəlif mənbələrə istinadla tərtib olunur. Ötən hesabatda Azərbaycan 138 ölkə arasında 37-ci, 2015-2016-cı illərin hesabatında 140 ölkə arasında 40-cı yerdə idi.
Yeni reytinq cədvəlinə İsveçrə, ABŞ və Sinqapur başçılıq edir.
Keçmiş SSRİ məkanından Estoniya 29-cu, Rusiya 38-ci, Litva 41-ci, Latviya 54-cü, Qazaxıstan 57-ci, Gürcüstan 67-ci, Ermənistan 73-cü, Tacikistan 79-cu, Ukrayna 81-ci, Moldova 89-cu, Qırğızıstan 102-ci yerdədir.
Türkiyə reytinq cədvəlində 53-cü, İran 69-cu pillədədir.
Yəmən qlobal rəqabətlilik indeksində sonuncu – 137-ci yeri tutur (Siyahı).
