“İş yerinə dair arayış” arayış lideridir
Əmək və Əhalinin Sosial Müdafiəsi Nazirliyi “İş yerinə dair arayış” elektron xidməti ilə bağlı hesabat yayıb.
Xidmət vətəndaşlara işəgötürənlərinə müraciətsiz və istənilən vaxt elektron qaydada öz iş yerləri haqqında arayış almaq imkanı verir.
Rəsmi hesabata görə, ötən ay “İş yerinə dair arayış” e-xidmətinə 30752 müraciət qeydə alınıb, bu da iyul ayına nisbətən 16,3 faiz çoxdur. 8 ayda isə həmin e-xidmətə ötən ilin müvafiq dövrü ilə müqayisədə 40,7 faiz çox, 192022 dəfə müraciət olunub.
“E-hökumət” portalındakı “Arayışlar” bölməsində 17 növdə e-arayış xidməti fəaliyyət göstərir. Bu bölmə üzrə ümumi müraciətlərin 49,3 faizi (670 minə yaxın müraciət) “İş yerinə dair arayış” elektron xidmətinə aid müraciətlərdən ibarət olub.
